• +95 (0)9 425 705 270
  • info@cdes.org.mm

NCA မထိုးရသေးတဲ့အဖွဲ့တွေနဲ့ဆွေးနွေးဖို့ စစ်ရေးလှုပ်ရှားမှုတွေကိုတပ်မတော်ရပ်ဆိုင်းပေးမယ်

တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးဆိုင်ရာသဘောတူစာချု ပ် ( NCA ) မှာ လက်မှတ်ထိုးဖို့ ကျန်ရှိနေတဲ့ တိုင်းရင်းသားလက်နက်ကိုင်အဖွဲ့တွေနဲ့ ဆွေးနွေးဖို့  စစ်ရေးဆိုင်ရာ လှုပ်ရှားတွေကိုရပ်ဆိုင်းပေးမယ်လို့ တပ်မတော်ကာကွယ်ရေးဦးစီးချုပ်ရုံးက ထုတ်ပြန်လိုက်ပါတယ်။

ပစ်ခတ်တိုက်ခိုက်မှုရပ်စဲရေးနဲ့ ထာဝရငြိမ်းချမ်းရေးအတွက် ထုတ်ပြန်ချက်ဆိုတဲ့ အဲဒီထုတ်ပြန်ချက်ကိုတော့ ဒီကနေ့ နေပြည်တော်မှာ သတင်းမီဒီယာ ကောင်စီနဲ့တွေ့ဆုံပွဲမှာ ထုတ်ပြန်ခဲ့တာပါ။

တပ်မတော်အနေနဲ့ မြောက်ပိုင်းတိုင်း စစ်ဌာနချုပ်နယ်မြေ ၊ အရှေ့မြောက်တိုင်း စစ်ဌာနချုပ်နယ်မြေ ၊ အရှေ့ ပိုင်းတိုင်း စစ်ဌာနချုပ်နယ်မြေ ၊ အရှေ့အလယ်ပိုင်းတိုင်း စစ်ဌာနချုပ်နယ်မြေနဲ့ ကြိဂံတိုင်း စစ်ဌာနချုပ် နယ်မြေ တွေမှာ ကျန်ရှိတဲ့ NCA လက်မှတ်ထိုးဖို့ကျန်တဲ့ တိုင်းရင်းသားလက်နက်ကိုင် အဖွဲ့အစည်းတွေ အားလုံးနဲ့ ပစ်ခတ်တိုက်ခိုက်မှု ရပ်စဲရေးအတွက် အဖွဲ့တဖွဲ့ချင်း အလိုက် ညှိနှိုင်း ဆွေးနွေးသွားဖို့လိုအပ်မယ်လို့ယူဆတဲ့အကြောင်း ထုတ်ပြန်ချက်မှာ ဖော်ပြထားပါတယ်။
 
ဒီလို ညှိနှိုင်းဆွေးနွေးမှုတွေ ပြုလုပ်ဖို့အတွက် ၂၀၁၈ ဒီဇင်ဘာလ ၂၁ ရက်ကနေ ၂၀၁၉ ဧပြီလ ၃၀ ရက်အထိ  စစ်ဆေင်ရေးနယ်မြေအလိုက် စစ်ရေးဆိုင်ရာ လှုပ်ရှားမှုအားလုံးကို ရပ်ဆိုင်းပေးမှာဖြစ်ပါတယ်။
 
တပ်လှုပ်ရှားမှုတွေ ရပ်ဆိုင်ထားတဲ့ ကာလအတွင်းမှာ စစ်ဆင်ရေးနယ်မြေအလိုက် တိုင်ရင်းသားလက်နက်ကိုင်အဖွဲ့တွေအနေနဲ့ အမျိုးသားပြန်လည်သင့်မြတ်ရေးနဲ့ ငြိမ်းချမ်းရေးဗဟိုဌာနနဲ့ ပစ်ခတ်တိုက်ခိုက်မှု ရပ်စဲရေးအပါအဝင် ငြိမ်းချမ်းရေးဆိုင်ရာ တွေကို ညှိနှိုင်းဆွေးနွေးသွားရမှာဖြစ်ပြီး လိုအပ်ရင် ဒုတိယ ဗိုလ်ချုပ်ကြီး ရာပြည့်ဦးစီးတဲ့  ကာကွယ်ရေးဦးစီးချုပ်ရုံး (ကြည်း)မှ အရာရှိကြီးတွေနဲ့ သက်ဆိုင်ရာနယ်မြေအလိုက် တိုင်းမှူးတွေပါဝင်တဲ့ညှိနှိုင်းဆွေးနွေးရေးအဖွဲ့တွေနဲ့ဆွေးနွေးပေးသွားမယ်လို့လည်း ဆိုထားပါတယ်။

ဒီလို ပစ်ခတ်တိုက်ခိုက်မှုရပ်စဲရေးနဲ့ ထာဝရငြိမ်းချမ်းရေးအတွက် ညှိနှိုင်းဆွေးနွေးနေတဲ့နည်းတူ တဖက် မှာလည်း တိုင်းရင်းသားလက်နက်ကိုင်အဖွဲ့တွေအနေနဲ့   တပ်မတော်ရဲ့ ငြိမ်းချမ်းရေး မူဝါဒ ခြောက်ချက်အနက် လေးချက်ဖြစ်တဲ့ သဘောတူစာချုပ်တွေအတိုင်း ကတိတည်ဖို့ ၊ ငြိမ်းချမ်းရေးသဘော တူ ညီချက်တွေအပေါ် အမြတ်မထုတ်ဖို့ ၊ ဒေသခံ ပြည်သူတွေ အပေါ် ဝန်ထုပ်ဝန်ပိုးမဖြစ်စေဖို့ နဲ့ နိုင်ငံတော် က ထုတ်ပြန်ထားတဲ့ တည်ဆဲဥပဒေတွေကို လိုက်နာဖို့ အချက်တွေကို အလေးအနက်ထားဖို့ကိုလည်း ဖော်ပြထားပါသေးတယ်။
 
၂၀၂၀ မှာ ငြိမ်းချမ်းရေးလုပ်ငန်းစဉ်တွေ ပြီးမြောက်ဖို့ သန္နိဌာန်ချထားတဲ့အကြောင်း တပ်မတော်ကာကွယ်ရေးဦးစီးချုပ်ရဲ့  မိန့်ခွန်းကောက်နုတ်ချက်ကိုလည်း ဒီကနေ့ ထုတ်ပြန်တဲ့ တပ်မတော်ကာကွယ်ရေးဦးစီးချုပ်ရုံးရဲ့ထုတ်ပြန်ချက်မှာ ထည့်သွင်းထားတာကိုတွေ့ရပါတယ်။

Credit- 7 Day News


Share:

Tags: NCA,မထိုးရသေးတဲ့အဖွဲ့တွေနဲ့ဆွေးနွေးဖို့,စစ်ရေးလှုပ်ရှားမှုတွေကိုတပ်မတော်ရပ်ဆိုင်းပေးမယ်

Author : Administrator
Comments
Leave a Comment