ကျွန်မသာမက၊ အစိုးရ၀န်ကြီးဌာနအသီးသီးကလည်း ဒီကာလအတွင်းမှာ မိမိတို့ နိုင်ငံနဲ့ ပြည်သူအတွက် စွမ်းဆောင်မှုများရဲ့အောင်မြင်မှုအခြေအနေ၊ အားသာချက်၊ အားနည်းချက်များကို တင်ပြသွားကြမှာဖြစ်ပါတယ်။ ဒီလိုတင်ပြကြတဲ့နေရာမှာ ရိုးသား ဖြောင့်မတ်စွာ “ပြည်သူနဲ့အတူ” ဆိုတဲ့ ကျွန်မတို့ ယခင်နှစ်က ချမှတ်ခဲ့တဲ့ ဆောင်ပုဒ်နဲ့ ကိုက်ညီစွာ တင်ပြသွားမှာပါ။
ယခုနှစ်ပြည်သူကို အစီရင်ခံရာမှာ၊ အရေးအကြီးဆုံး တင်ပြဆွေးနွေးရမယ့် ကိစ္စတစ်ရပ် ကတော့ ကျွန်မတို့နိုင်ငံတော်သမ္မတသစ် တင်မြှောက်ခဲ့ခြင်းပဲဖြစ်ပါတယ်။ ဒီမိုကရေစီ စနစ်ကို တန်ဖိုးထားရခြင်းရဲ့ အကြောင်းရင်းတွေထဲမှာ၊ နိုင်ငံရေး အပြောင်းအလဲတွေကို ပြည်သူပြည်သားများ မထိခိုက်စေပဲ ချောမွေ့ညင်သာစွာ လုပ်ဆောင်နိုင်ခြင်းက အဓိက ပါဝင်ပါတယ်။ ဒါကြောင့် နိုင်ငံတော်သမ္မတသစ် ရွေးချယ်တင်မြှောက်ရာမှာ၊ တရားဥပဒေနဲ့ကိုက်ညီစွာ နိုင်ငံတော်အကျိုးဖြစ်စေဖို့၊ ပြည်သူများ နှလုံးစိတ်ဝမ်း အေးချမ်းစေဖို့ အလေးထား ဆောင်ရွက်ခဲ့ပါတယ်။
ဖွဲ့စည်းပုံအခြေခံဥပဒေပါ ပြဋ္ဌာန်းချက်များနဲ့ ကိုက်ညီအောင်၊ နိုင်ငံတော်သမ္မတ ဦးထင်ကျော် တာဝန်မှနုတ်ထွက်သည့် မတ်လ (၂၁) ရက်နေ့မှစပြီး အလုပ်ရက် တစ်ပတ်အတွင်း ပြီးမြောက်စေဖို့ ဆောင်ရွက်ရာမှာ ပူးပေါင်းပါဝင်ခဲ့ကြတဲ့ လွှတ်တော် ကိုယ်စားလှယ်များ၊ လွှတ်တော်မှာ တာဝန်ယူတဲ့ ၀န်ထမ်းများနဲ့၊ အခြားအစိုးရဌာနများမှ ၀န်ထမ်းများကို ကျေးဇူးတင်ရှိပါကြောင်း ပြောချင်ပါတယ်။ အချိန်တိုအတွင်း အရေးကြီးကိစ္စရပ်များ အောင်မြင်စွာ ပြီးမြောက်အောင် လုပ်ဆောင်နိုင်ခြင်းဟာ နိုင်ငံတော်ရဲ့ ရင့်ကျက် တည်ငြိမ်မှု ကိုဖော်ဆောင် လိုက်ခြင်းပဲဖြစ်ပါတယ်။
တစ်ချိန်တည်းမှာပဲ ယခုနိုင်ငံတော်သမ္မတအဖြစ် ဦးဝင်းမြင့်ကို ရွေးချယ် တင်မြှောက် နိုင်ခြင်းဟာ ကျွန်မတို့ဒီမိုကရေစီနိုင်ငံရေး ရင့်ကျက်တည်ငြိမ်လာမှုကို ရောင်ပြန်ဟပ်ပါတယ်။ သမ္မတကြီးဦးဝင်းမြင့်ဟာ အမျိုးသားဒီမိုကရေစီအဖွဲ့ချုပ် တည်ထောင်စ အချိန်မှာပဲ ပါတီဝင်ဖြစ်လာပြီး၊ ကိုယ်ရောစိတ်ပါ၊ ကျွန်မတို့နိုင်ငံနဲ့ နိုင်ငံသူနိုင်ငံသားများ အကျိုးဖြစ်စေမယ့် ပါတီလုပ်ငန်းတာဝန်များကို အကြီးအသေး၊ အမြင့်အနိမ့် မရွေးဘဲ ထမ်းဆောင်ခဲ့သူ တစ်ဦးဖြစ်ပါတယ်။
နိုင်ငံတော်သမ္မတကြီး ဦးဝင်းမြင့်က၊ ပြည်ထောင်စုလွှတ်တော်မှာ ကတိသစ္စာပြုပြီး ပြောကြားခဲ့တဲ့ မိန့်ခွန်းမှာ ကျွန်မတို့အစိုးရရဲ့ ဦးစားပေးရည်မှန်းချက်ပန်းတိုင်တွေဖြစ်တဲ့၊ တရားဥပဒေစိုးမိုးရေးနဲ့ ပြည်သူများရဲ့ လူမှုစီးပွားဘ၀ တိုးတက်မြင့်မားစေရေး၊ အမျိုးသား ပြန်လည်သင့်မြတ်ရေးနဲ့ ပြည်တွင်း ငြိမ်းချမ်းရေး၊ ဒီမိုကရေစီဖက်ဒရယ် ပြည်ထောင်စုကြီး တည်ဆောက်ရေးအတွက် အခြေခံအုတ်မြစ်ဖြစ်တဲ့ ဖွဲ့စည်းပုံအခြေခံ ဥပဒေပြင်ဆင်ရေးတို့ကို ဦးတည်ကြိုးပမ်းဆောင်ရွက်သွားမယ် ဆိုတာပါပါတယ်။ ကျွန်မတို့ အစိုးရရဲ့ဦးစားပေးဆောင်ရွက်ရမယ့်ကိစ္စတွေကိုလည်း ချပြသွားခဲ့ပါတယ်။
အကယ်၍ သေချာစွာ နားမထောင်ခဲ့ကြရင် ပြန်ဖတ်ကြပါ။ သမ္မတကြီးရဲ့မိန့်ခွန်းက အရေးကြီး ပါတယ်။
ကျွန်မတို့တွေဟာ နိုင်ငံရေး၊ စီးပွားရေး၊ လူမှုရေးအရ ဖွံ့ဖြိုးတိုးတက်စေဖို့ စတင် ရုန်းကန်နေရတဲ့ အချိန်မှာ ပြည်တွင်း၊ ပြည်ပစိန်ခေါ်မှုအမျိုးမျိုးနဲ့ ရင်ဆိုင်နေရပါတယ်။ ကမ္ဘာ့အသိုင်းအ၀ိုင်းအတွင်းမှာ တာဝန်သိစွာဖြင့် ရပ်တည်နိုင်ရန် အရေးကြီးကြောင်းကို နားလည် အသိအမှတ်ပြုတဲ့အလျောက်၊ ကျွန်မတို့တစ်တွေဟာ ကိုယ့်နိုင်ငံရဲ့ အခြေအနေ၊ လိုအပ်ချက်များနဲ့ ကိုက်ညီစွာ လျှောက်လှမ်းရင်းနဲ့ပဲ၊ နိုင်ငံတကာ အသိုင်းအ၀ိုင်းရဲ့ အမြင်၊ သဘောထားတွေကိုလည်း အလေးပေးဆောင်ရွက်ရပါတယ်။ အတိတ်ကကျန်ခဲ့တဲ့ အမွေဆိုးတွေကို ဖယ်ရှားကျော်လွှားဖို့၊ ပြည်ထောင်စုမြန်မာ နိုင်ငံတော်ရဲ့ အနာဂတ်အတွက် မျှော်လင့်ချက်တွေကို ဖြည့်ဆည်းဖို့ ကြိုးပမ်းတဲ့နေရာမှာ ကျွန်မတို့တွေ သင်ခန်းစာယူနိုင်တဲ့ အခွင့်အရေးတွေ အများကြီးရခဲ့ရပါတယ်။ သစ္စာ၊ မေတ္တာ၊ သတ္တိ၊ မုဒိတာ ဘယ်လောက်လိုအပ်တယ်၊ လောဘ၊ ဒေါသ၊ မောဟတွေ ဘယ်လောက် များပြားဆိုးဝါးတယ်၊ မိတ်ဆွေကောင်းတွေရဲ့ ကျေးဇူး ဘယ်လောက် ကြီးမားတယ် ဆိုတာကို ပိုမိုလို့ သိနားလည်လာရပါတယ်။ အားလုံးအထက်မှာ ကျွန်မတို့အတွက် အရေးအကြီးဆုံး သင်ခန်းစာကတော့ ပြည်သူရဲ့ နားလည်ထောက်ခံမှု၊ အားပေးမှုများရဲ့ အဖိုးမဖြတ်နိုင်တဲ့ တန်ဖိုးပါပဲ။ ဒါကြောင့် ယခုလာမဲ့ မြန်မာ သက္ကရာဇ် ၁၃၈၀ ခုနှစ်အတွက် ကျွန်မတို့အစိုးရအနေနဲ့ “စုပေါင်းအင်အား” ကို အလေးထားပြီး နိုင်ငံရဲ့စိန်ခေါ်မှုကြီးများကို ကျော်ဖြတ်ဖို့သန္နိဋ္ဌာန် ချလိုက်ပါတယ်။ ကျွန်မတို့နိုင်ငံအတွက် အလိုအပ်ဆုံး ဖြစ်တဲ့ ငြိမ်းချမ်းရေးနဲ့တည်ငြိမ်ရေး တည်ဆောက်ရာမှာ စုပေါင်းအင်အားဟာ အဓိကပါ။ တိုင်းရင်းသားများ အကြား နှစ်ရှည်လများစွာ ဖြစ်ပွားလာခဲ့တဲ့ လက်နက်ကိုင်ပဋိပက္ခများ ငြိမ်းအေးစေဖို့ အပြန်အလှန် နားလည်မှု၊ အပြန်အလှန်လေးစားမှုကအခြေခံအုတ်မြစ်ပါ။ ဒီအုတ်မြစ်ကို စုပေါင်းအင်အားနဲ့ခိုင်မာအောင် ဆောက်တည်နိုင်ပါတယ်။ ပြည်သူများက အစိုးရရဲ့ ငြိမ်းချမ်းရေး ကြိုးပမ်းမှုများကို ပံ့ပိုးကူညီပေးစေ ချင်ပါတယ်။ အထူးသဖြင့် ကျွန်မတို့ အနာဂတ်အကျိုးမျှော်ကိုးပြီး လူငယ်များ ပါဝင်စေချင်ပါတယ်။ ပါဝင်နေကြတာကိုလည်း တွေ့ရလို့ အင်မတန်မှ ၀မ်းသာပါတယ်။
ရခိုင်ပြည်နယ်အတွင်း လူသားချင်းစာနာမှုအကူအညီအထောက်အပံ့ပေးရေး၊ ပြန်လည် နေရာချထားရေး၊ ဖွံ့ဖြိုးရေးစီမံကိန်း (UEHRD) လုပ်ငန်းတွေ ဖြစ်မြောက် အောင်မြင် စေဖို့လည်း လူငယ်များ ကူညီပါဝင်နေတာကြောင့် အင်မတန်ကို အားတက်ရပါတယ်။ ကျွန်မတို့ လွတ်လပ်ရေးဖခင်ကြီးများ မျှော်မှန်းခဲ့တဲ့ တရားမျှတမှုနဲ့ လွတ်လပ်တဲ့ နိုင်ငံ၊ လူခပ်သိမ်းငြိမ်းချမ်းစေဖို့ ခွင့်တူညီမျှမှု အာမခံမယ့် ဖြူစင်တဲ့ဝါဒ ကျင့်သုံးတဲ့နိုင်ငံ အမှန်တကယ်ဖြစ်စေဖို့ စုပေါင်းအင်အားနဲ့ လုပ်ဆောင်ကြပါစို့။ ကမ္ဘာက အာရုံစိုက်နေတဲ့ ရခိုင်ပြည်နယ်မှာ သာမက၊ ကျွန်မတို့နိုင်ငံတစ်ဝှမ်းမှာ၊ အားလုံး ရုပ်ပိုင်း၊ စ်ိတ်ပိုင်း လုံခြုံ၊ အေးချမ်းစွာ ဖွံ့ဖြိုးတိုးတက်နိုင်ဖို့ စုပေါင်းအင်အားနဲ့ကြိုးစားကြပါစို့။
ကျွန်မတို့ အစိုးရရဲ့ အဓိကရည်မှန်းချက်တွေထဲမှာ ပြည်သူများရဲ့ လူမှုစီးပွားရေးဘ၀ တိုးတက် မြင့်မားရေးလည်းပါပါတယ်။ ဒီရည်မှန်းချက် ဘယ်လောက်အထိ ဖြစ်မြောက်အောင် စွမ်းဆောင် နိုင်တယ်ဆိုတာ တကယ်တော့ ပြည်သူတွေကပဲ ဆုံးဖြတ်နိုင်ပါတယ်။ လမ်းတွေ ဘယ်နှစ်မိုင် ဖောက်နိုင်ခဲ့တယ်၊ တံတားတွေဘယ်နှစ်ခု တိုးတက်လာတယ်၊ လျှပ်စစ်မီးရသွားတဲ့ ကျေးရွာတွေ၊မြို့တွေ ဘယ်လောက်များ လာတယ်၊ စသဖြင့် မွေးကင်းစမိခင်နဲ့ ကလေးဆုံးရှုံးမှုနှုန်းက ဘယ်လောက်မြင့် နေသေးတယ်၊ ရင်းနှီးမြှပ်နှံမှု ဘယ်လောက်နည်းနေသေးတယ်၊ ငွေကြေးဖောင်းပွမှု ဘယ်လောက် ရှိနေသေးတယ်။ ဒါတွေ၊ ဒါတွေကို ကိန်းဂဏန်းတွေနဲ့ ပြည်သူတွေကို တာဝန်သိစိတ်နဲ့ ပွင့်လင်းမြင်သာမှုကို အလေးထားတဲ့ အစိုးရပီပီ စဉ်ဆက်မပြတ် အသိပေးဖို့ ၀န်ကြီးဌာနအားလုံးကို ညွှန်ကြားထားပါတယ်။ ဒါပေမယ့်လည်း နိုင်ငံတစ်နိုင်ငံရဲ့ တိုးတက်မှုကို ကိန်းဂဏန်းနဲ့ ပြည်စုံအောင် ဖော်ပြလို့မရပါဘူး။ တစ်ခါတစ်လေလည်း အဖွဲ့အစည်းများအကြား ကိန်းဂဏန်း တွက်ချက်မှု မတူတာကြောင့် အဖြေမှန်ကို သိဖို့ခက်ပါတယ်။ ကိန်းဂဏန်းတွေက ပြနေတဲ့ အခြေအနေတွေဟာ ပြည်သူများရဲ့ လူမှုဘ၀စီးပွားအပေါ် ဘယ်လောက်အစစ်အမှန် သက်ရောက်မှုရှိလဲ ဆိုတာကသာ အဓိကပါ။ ဥပမာ၊ ယခင်နှစ်အတွင်းမှာ ကျွန်မတို့ ပြည်ပဆန်တင်ပို့မှုဟာ လွတ်လပ်ရေးရပြီးနောက်ပိုင်း အမြင့်မားဆုံးအဆင့်ရောက်သွားပါတယ်။ ဒီတိုးတက်မှုဟာ ကျွန်မတို့ တောင်သူလယ်သမားများဘ၀အပေါ် ဘယ်လိုအကျိုးသက်ရောက်မှုရှိလဲ ဆိုတာကတော့ ဒါကအဓိကပါ။ ဒါတွေကို ဆန်းစစ်ပြီးမှ ကျွန်မတို့ရဲ့ မူဝါဒ၊ လုပ်ဆောင်မှုတွေကို ချမှတ်ရင်ဆိုင်မှာပါ။ လာမယ့်နှစ်အတွင်း ပြည်သူပြည်သားများ အတွက် အမှန်တကယ် အကျိုးဖြစ်စေမယ့် ဆောင်ရွက်မှုများကို ထပ်မံသတ်မှတ်ပြီး၊ နှစ်သစ်ကူးချိန်မှာ ချပြသွားမှာဖြစ်ပါတယ်။
ဘယ်လိုစီမံကိန်းတွေပဲ ချမှတ်ချမှတ်၊ အကောင်အထည်ဖော်ရာမှာ စုပေါင်း လုပ်ဆောင်ခြင်းကသာ အောင်မြင်ခြင်းရဲ့ အဓိကအကြောင်းတရားဖြစ်ပါလိမ့်မယ်။ အစုအဖွဲ့၊ ဂိုဏ်းဂဏ စိတ်တွေကို ဖယ်ရှားပြီး၊ နိုင်ငံနဲ့ ပြည်သူများအကျိုးသယ်ပိုးရာမှာ၊ မည်သူကိုမျှ လက်ညှိုးမထိုး၊ မိမိရဲ့ စေတနာ၊ ပညာ၊ သတ္တိတွေကိုသာ လူတိုင်းလူတိုင်း အထွဋ်အထိပ်ရောက်အောင် ကြိုးစားဆောင်ရွက်မယ်ဆိုရင် ဘယ်လိုကြီးမား၊ ခက်ခဲတဲ့ စိန်ခေါ်မှုပဲဖြစ်ပါစေ၊ ကျော်လွှားနိုင်မယ်လို့ ခိုင်မာစွာ ယုံကြည်ပါတယ်။
နိဂုံးချုပ်အနေနဲ့၊ ကျွန်မတို့ အစိုးရရဲ့ နိုင်ငံ့အတွက် ကြိုးပမ်းဆောင်ရွက်မှုများ အောင်မြင်စေဖို့ ပူးပေါင်းပြီး ကူညီပေးခဲ့၊ ပေးနေဆဲဖြစ်တဲ့၊ ပြည်တွင်း၊ ပြည်ပ မိတ်ဆွေများ၊ အဖွဲ့အစည်းများ၊ စီးပွားရေးလုပ်ငန်းရှင်များ၊ အသိပညာရှင် အတတ်ပညာရှင်များ အားလုံးနဲ့၊ အထူးသဖြင့် နားလည်မှု၊ စာနာမှုနဲ့ ထောက်ခံ အားပေးကြတဲ့ ပြည်သူပြည်သားများအားလုံးကို ကျေးဇူးတင်ကြောင်း အလေးအနက် ပြောပါရစေ။ တစ်ခါပြုဘူး၊ သူ့ကျေးဇူး။ အခေါက်ခေါက်အခါခါ ကျေးဇူးပြုသူများဟာ ဘ၀ကို ပြီးပြည့်စုံစေတဲ့ မိတ်ဆွေမှန်၊ မိတ်ဆွေစစ်တွေဖြစ်ပါတယ်။
ပြည်ထောင်စုမြန်မာနိုင်ငံတော်အတွင်း မှီတင်းနေထိုင်သူများ၊ အနီးအဝေး ရောက်ရှိ နေတဲ့ ကျွန်မတို့ နိုင်ငံ့သားသ္မီးများ၊ ကျွန်မတို့နိုင်ငံအပေါ်စေတနာ၊ မေတ္တာ၊ ဂရုဏာ ထားသူများနဲ့တကွ၊ ကမ္ဘာသူ ကမ္ဘာသားများအားလုံးကိုယ်စိတ်နှစ်ဖြာ ကျန်းမာ၊ ချမ်းသာကြပါစေ၊ ဘေးအန္တာရာယ်အမျိုးမျိုးမှ ကင်းဝေးကြပါစေ၊ နှလုံးစိတ်ဝမ်း အေးချမ်းကြပါစေ။